1. PRESENTACION

S’establissen tres categories:

1. Centres d’educacion primària e segondària. Eth centre ei qui òpte ath prèmi, a compdar dera participacion der escolan, escolana o grop d’escolans qu'elabòre eth cuertmetratge, representadi per un professor o professora.

2. Membres dera comunautat universitària. S’i pòden presentar òbres d’autoria individuau o de grop.

3. Dubèrta. S’i pòden presentar òbres d’autoria individuau o de grop.

Tà participar ena categoria Membres dera comunautat universitària e ena categoria Dubèrta cau èster major d’edat ena data de presentacion dera òbra a concors. Entara categoria Membres dera comunitat universitària, calerà acreditar era vinculacion a un centre universitari laguens deth tèrme de presentacion dera òbra.


2.REQUISITS

2.1 Es òbres an d’èster originaus e inedites. Eth lèma dera convocatòria ei “Un mon que parle”, que hè referéncia ara declaracion dera ONU der 2008 coma An Internacionau des Lengües.

2.2 Era lengua a d’èster eth catalan o er occitan, o ben s’i an d’incorporar subtítols en ua d’aguestes lengües.

2.3 S’establissen dues modalitats:
a)Òbres d’ua durada non superiora a 3 minutes.
b)Òbres d’ua durada non superiora a 60 segonds, sonque en categoria dubèrta.
Es cuertmetratges an d’includir, coma minim, ua presentacion damb eth títol dera òbra e uns credits finaus damb era autoria. Era durada dera presentacion e des crèdits non compute ena durada totau.

2.4 Es òbres les cau presentar en format digitau (mov, wmv, 3gp, DivX, mpeg) damb ua mesura minima de 360 x 288 pixels. Se pòt utilizar quinsevolh miei d’enregistrament (vidèo, telefon mobil, camèra fotografica opcion vidèo, animacion digitau...).


3. TÈRME DE PRESENTACION

Enquiath 15 de junhsèga de 2008.


4. PRESENTACION E ADMISSION A CONCORS

4.1 Es òbres s’an d’enviar en supòrt CD o DVD ena Secretaria de Politica Lingüistica en Lhèida (Lluís Companys, 1, 25003 Lhèida), amassa damb eth formulari que i a ena www.llanternadigital.cat, ramplit e damb era signatura originau des autors.

4.2 Era organizacion harà ua seleccion des òbres admetudes a concors entà garantir-ne era adequacion as bases. Era admetuda se notificarà per corrèu electronic.

4.3 Es òbres admetudes se poderàn veir a travuèrs deth web www.llanternadigital.cat.


5. PRÈMIS

5.1 S’establís un prèmi per categoria, ena modalitat d'enquia 3 minutes, e un prèmi entara modalitat d'enquia 60 segonds:
-Centres d’educacion primària e segondària: videocamèra digitau entath centre e lòt de presents entà cada membre dera equipa autora dera òbra.
-Comunautat universitària: 700 €
-Dubèrta enquia 3 minutes: 700 €
-Dubèrta enquia 60 segonds: 700 €

S’aplicarà ar impòrt des prèmis era deduccion des impòsti corresponents.

5.2 S’establís un prèmi extraordinari, autrejat per votacion populara a trauèrs deth web, ara melhor òbra, sigue quina sigue era categoria en qué concorse. Aguest prèmi, concedit pes Servicis Territoriaus de Cultura e Mieis de Comunicacion en Lhèida, a d’èster ua creacion d’un o d’ua artista locau. Es votacions se poderàn hèr des deth 15 de seteme enquiath 14 d’octobre de 2008.

5.3 Es òbres guanhadores se daràn a conéisher en acte de liurament des prèmis, qu'aurà lòc eth dia 16 d’octobre, en Auditòri deth Centre de Cultures e Cooperacion Transfronterèra dera Universitat de Lhèida.

5.4 Es òbres guanhadores se projectaràn abans des sessions comerciaus des sales des grops exibidors collaboradors, e des projeccions que se hèsquen en Centre Sociau e Culturau dera Òbra Sociau "era Caixa" de Lhèida, damb era indicacion qu'an estat premiades enes “Premis Llanterna Digital 2008”.


6. JURAT

6.1 Eth jurat serà constituït per representants des desparièrs organismes e entitats que participen ena organizacion o que i collabòren.

6.2 Eth jurat avalorarà era aportacion des òbres per çò que hè ath foment der emplec deth catalan o der occitan, era originalitat en tractament des contenguts e era qualitat artistica.

6.3 En cas de qu'eth jurat considère que cap des creacions presentades a ua determinada categoria o modalitat amasse un minim de qualitat, poderà declarar eth prèmi desèrt.


7. PROPRIETAT DES ÒBRES

Es òbres admetudes a concors seràn proprietat dera organizacion. Se publicaràn jos licéncia Creative Commons (BY-NC-ND) e, per tant, se n’autorizarà era còpia, era distribucion e era exibicion tostemp que se n’especifique era autoria, que non s'emplegue damb fins comerciaus e que non se’n hèsque ua òbra derivada.


8. OBSERVACIONS

Era organizacion se resèrve eth dret de non adméter a concors es òbres que non s’adapten as bases.
Era organizacion pòt resòlver quinsevolh dobte qu’apareishe ena interpretacion des bases dera manèra que considère mès apropriada.
Era presentacion d’ua òbra enes Prèmis Llanterna Digital 2008 implique era acceptacion plea des bases.