1. PRESENTACION

S’establissen tres categories:

1. Centres d’Educacion primaria e segondària. Eth centre ei qui òpte ath prèmi, a compdar dera participacion der alumne, alumna o grop d’alumnes qu’elabòre eth cuertmetratge, representadi per un professor o professora.

2. Membres dera comunautat universitària. S’i pòden presentar òbres d’autoria individuau o de grop.

3. Dubèrta. S’i pòden presentar òbres d’autoria individuau o de grop.

Tà participar ena categoria Membres dera comunautat universitària e ena categoria Dubèrta cau èster major d’edat ena data de presentacion dera òbra a concors. Entara categoria Membres dera comunautat universitària, calerà acreditar era vinculacion a un centre universitari laguens deth termini de presentacion dera òbra, de totes es persones que figuren coma responsables deth cuertmetratge.


2. REQUISITS

2.1 Es òbres an d’èster originaus. Eth lèma dera convocatòria ei “Coma dus arrius parallels” E prepause ua reflexion sus es lengües, coma realitats diferentes, en marc des actes de commemoracion deth centenari dera neishença deth poèta lheidatan Màrius Torres.

2.2 Er audio a d’èster en catalan o occitan, o ben s’i an d’incorporar subtítols en quinsevolha d’aguestes lengües.

2.3 S’establissen dues modalitats:
b) Òbres de durada non superiora a 3 minutes.
a) Òbres de durada non superiora a 60 segons. Sonque en categoria dubèrta.
Es cuertmetratges an d’includir, coma minim, ua presentacion damb eth títol dera òbra e uns crèdits finaus damb era autoria. Era durada dera presentacion e des crèdits non compute ena durada totau.

2.4 Es òbres s’an de presentar en format digitau.

2.5 Es persones responsables des òbres garantissen que pòden disposar des diferenti elements que i apareishen ( imatges, musica...).


3. TÈRME DE PRESENTACION

Enquiath 31 de març de 2010.


4. PRESENTACION E ADMETUDA A CONCORS

4.1 Es òbres les cau manar en supòrt CD o DVD ara Secretaria de Politica Lingüistica en Lhèida (Lluís Companys, 1. 25003 Lhèida), amassa damb eth formulari que i a en www.llanternadigital.cat, ramplit e damb era signatura originau des autors. Tanben se poderà, mejançant eth corrèu electronic, indicar ua adreça d’Internet des d’a on se pogue descargar era òbra. En aguest cas, non se considerarà presentada era òbra en tant non s’arrecebe era confirmacion per part dera organizacion deth hèt qu’era descarga a estat hèta damb èxit.

4.2 Era organizacion harà ua seleccion des òbres admetudes a concors entà garantir era adeqüacion as bases. Era admission se notificarà per corrèu electronic.

4.3 Es òbres admetudes se poderàn veir a trauès deth web www.llanternadigital.cat


5. PRÈMIS

5.1 S’establís un prèmi per categoria, ena modalitat d’enquia 3 menutes, e un prèmi entara modalitat d’enquia 60 segonds:
a) Enquia 3 menutes:
- Centres d’educacion primària e segondària: videocamèra digitau, o lòt de productes audiovisuaus de valor equivalenta, entath centre e lòt de presents entà cada membre dera equipa autora dera òbra.
- Comunitat universitària: 70O euros
- Dubèrta: 700 euros
b) Enquia 60 segonds:
- Dubèrta: 700 euros
Es responsables des òbres premiades arreceberàn ua acreditacion documentau d’aguest hèt. En cas des centres d’educacion primària e segondària, ac receberàn toti es centres participaires. S’aplicarà ar impòrt des prèmis era deduccion des impòsti corresponents.

5.2 S’establís un prèmi extraordinari autrejat per votacion populara a trauèrs deth web ara mielhor òbra, indistintament dera categoria en qué se concorse. Aguest prèmi, concedit pes Servicis Territoriaus de Cultura e Mieis de Comunicacion en Lhèida, ei ua creacion d’un o d’ua artista locau. Es votacions se poderàn hèr dempús der 1 enquiath 31 de mai de 2010.

5.3 Es òbres guanhadores se haràn conéisher en acte de liurament des prèmis, que debanarà eth dia 2 de junh, en Lhèida.

5.4 Es òbres guanhadores auràn difusion a trauès des sales de cinèma des diferentes entitats collaboradores, Atau coma enes concorsi cinematografics damb es quaus era organizacion pogue establir acòrds de collaboracion.


6. JURAT

6.1. Eth jurat serà constituït per representants des desparièrs organismes e entitats que participen ena organizacion o que i collabòren e ostentarà era presidéncia d’aunor eth Sr. Àlex Gorina, critic de cinèma.

6.2. Eth jurat avalorarà era aportacion des òbres ath foment der us deth catalan o deth occitan, era originalitat en tractament des contenguts e era qualitat artistica.

6.3. En cas qu’eth jurat considère que cap des creacions presentades tà ua determinada categoria o modalitat reunís un minim de qualitat, poderà declarar eth prèmi desèrt.


7. PROPRIETAT DES ÒBRES

7.1 Es òbres admetudes a concors seràn proprietat dera organizacion e se publicaràn jos licéncia Creative Commons (BY-NC-ND) e, per tant, se n’autorizarà era còpia, era distribucion e era exhibicion tostemp que n’especifique era autoria, que non se hèsquen a servir damb finalitats comerciaus e que non se’n hèsque ua òbra derivada.

7.2 Sense perjudici deth punt 7.1, es persones que figuren coma realizadores des cuertmetratges, poderàn disposar des sòns trabalhs liuraments.


8. OBSERVACIONS

Era organizacion se resèrve eth dret de non adméter a concors es òbres que non s’adapten as bases.
Era organizacion pòt resòlver quinsevolh dobte qu’apareishe ena interpretacion des bases dera manèra que considère mès apropriada.
Era presentacion d’ua òbra enes Prèmis Llanterna Digital 2010 implique era acceptacion plea des bases.