1. PRESENTACION

S’establissen tres categories:
1. Centres d’educacion primaria e segondària. Eth centre ei qui òpte ath prèmi, a compdar dera participacion der alumne, alumna o grop d’alumnes qu’elabòre eth cuertmetratge, representadi per un professor o professora.
2. Membres dera comunautat universitària. S’i pòden presentar òbres d’autoria individuau o de grop, damb un maxim de quate persones.
3. Dubèrta: S’i pòden presentar òbres d’autoria individuau o de grop, damb un maxim de quate persones.

Tà participar ena categoria Membres dera comunautat universitària e ena categoria Dubèrta cau èster major d’edat ena data de presentacion dera òbra a concors. Entara categoria Membres dera comunautat universitària calerà acreditar era vinculacion de totes es persones que figuren coma responsables deth cuertmetratge a un centre universitari laguens deth termini de presentacion dera òbra.



2. REQUISITS

2.1 Es òbres an d’èster originaus e an d’includir ua reflexion sus era foncion dera lengua ena societat.

2.2 Er audio a d’èster en catalan o occitan, en quinsevolh des sues variantes, o ben s’i an d’incorporar subtítols en quinsevolha d’aguestes lengües.

2.3 Durada des òbres:
b) Òbres de durada non superiora a 3 minutes.
a) Òbres de durada non superiora a 60 segons. Sonque en categoria Dubèrta.

Es cuertmetratges an d’includir, coma minim, ua presentacion damb eth títol dera òbra e uns crèdits finaus damb era autoria. Era durada dera presentacion e des crèdits non compute ena durada totau.

2.4 Es òbres s’an de presentar en format digitau.

2.5 Es persones responsables des òbres garantissen que pòden disposar des diferenti elements que i apareishen ( imatges, musica...).



3. TÈRME DE PRESENTACION

Enquiath 31 de març de 2012


4. PRESENTACION E ADMETUDA A CONCORS
4.1 Es òbres les cau manar en supòrt CD o DVD ara Direccion Generau de Politica Lingüistica en Lhèida (Rambla d'Aragó, 8. 25002 Lhèida), amassa damb eth formulari que i a en www.llanternadigital.cat, ramplit e damb era signatura originau des autors. Tanben se poderà, mejançant eth corrèu electronic, (llanternadigital@llanternadigital.cat), indicar ua adreça d’Internet des d’a on se pogue descargar era òbra. En aguest cas, non se considerarà presentada era òbra en tant non s'arrecebe era confirmacion per part dera organizacion deth hèt qu'era descarga a estat hèta damb èxit.

4.2 Era organizacion harà ua seleccion des òbres admetudes a concors entà garantir era adeqüacion as bases. Era admission se notificarà per corrèu electronic.

4.3 Es òbres admetudes se poderàn veir a trauès deth web http://www.llanternadigital.cat.



5. PRÈMIS

5.1 S’establís un prèmi per categoria, ena modalitat d’enquia 3 menutes, e un prèmi entara modalitat d’enquia 60 segonds:

- Enquia 3 menutes:

- Enquia 60 segonds:

Es responsables des òbres premiades arreceberàn ua acreditacion documentau d’aguest hèt. En cas des centres d’educacion primària e segondària, ac receberàn toti es centres participaires.

S’aplicarà ar impòrt des prèmis era deduccion des impòsti corresponents.

5.2 S’establís un prèmi extraordinari autrejat per votacion populara a trauèrs deth web ara mielhor òbra, indistintament dera categoria en qué se concorse. Aguest prèmi consistís en eth guerdon Llanterna Digital. Es votacions se poderàn hèr dempús der 7 enquiath 27 de mai de 2012.

5.3 Es òbres guanhadores se haràn conéisher en acte de liurament des prèmis, que debanarà era prumèra setmana de junh, en Lhèida, En Castèth deth Rei (Turó de la Seu Vella). Eth dia e era ora d’aguest acte se comunicaràn, degudament, as participants e pes mejans de comunicacion abituaus.

5.4 Es òbres guanhadores auràn difusion a trauès des sales de cinèma des diferentes entitats collaboradores, atau coma enes concorsi cinematografics damb es quaus era organizacion pogue establir acòrds de collaboracion o en quinsevolh aute espaci que servisque entà dar a conéisher es trabalhs premiats.



6. JURAT

6.1 Eth jurat serà constituït per representants des diferenti organismes e entitats que participen ena organizacion o que i collaboren e n’exercirà era presidéncia d’aunor eth Sr. Àlex Gorina, critic de cinèma.

6.2 Eth jurat avalorarà era aportacion des òbres ath foment der us deth catalan o deth occitan, era originalitat en tractament des contenguts e era qualitat artistica.

6.3 En cas qu'eth jurat considère qu'es creacions presentades a ua determinada categoria o modalitat non amassen un minim de qualitat, poderà declarar eth prèmi desèrt.



7. PROPRIETAT DES ÒBRES

7.1 Es òbres admetudes a concors seràn proprietat des persones que figuren coma realizadores.

7.2 Sense perjudici deth punt 7.1, es persones proprietàries des òbres cedissen es drets en favor dera organizacion des Prèmis Llanterna Digital e l’autorizen exprèssaments tà que les pogue difóner, en quinsevolh mejan que considère oportun, en  marc des sues accions de promocion e difusion des prèmis.



8. OBSERVACIONS

8.1 Era organizacion se resèrve eth dret de non adméter a concors es òbres que non s’adapten as bases.

8.2 Era organizacion pòt resòlver quinsevolh dobte qu’apareishe ena interpretacion des bases dera manèra que considère mès apropriada.

8.3 Era presentacion d’ua òbra enes Prèmis Llanterna Digital 2012 implique era acceptacion plea des bases.

8.4 Quinsevolh consulta sus aguestes bases se poderà sométer ara organizacion a trauès deth corrèu electronic llanternadigital@llanternadigital.cat.