BASES · PRÈMIS 2007 LLANTERNA DIGITAL


1. PRESENTACION

S’establissen tres categories:

1. Centres d’Educacion segondària. Eth centre ei qui òpte ath prèmi, a compdar dera participacion der alumne, alumna o grop d’alumnes qu’elabòre eth cuertmetratge, representadi per un professor o professora.

2. Membres dera comunautat universitària dera Universitat de Lhèida. S’i pòden presentar òbres d’autoria individuau o de grop.

3. Dubèrta: S’i pòden presentar òbres d’autoria individuau o de grop.

Tà participar ena categoria Membres dera comunautat universitària dera Universitat de Lhèida e ena categoria Dubèrta cau èster major d’edat ena data de presentacion dera òbra a concors. Er estudiantat dera UdL a de poder acreditar qu’en bèth moment deth tèrme de presentacion dera òbra i a estat vinculat mejançant ua matricula.


2.REQUISITS

2.1 Es òbres an d’èster originaus e inedites e an de reflectir era diuersitat sociau, culturau e lingüistica dera societat catalana, a compdar deth lèma “Com mos vedem e com mos ven”.

2.2 Er audio a d’èster en catalan o occitan, o ben s’i an d’incorporar subtítols en quinsevolha d’aguestes lengües.

2.3 S’establissen dues modalitats:
a)Òbres de durada non superiora a 30 segons.
b)Òbres de durada non superiora a 3 minutes.

Es cuertmetratges an d’includir, coma minim, ua presentacion damb eth títol dera òbra e uns crèdits finaus damb era autoria. Era durada dera presentacion e des crèdits non compute ena durada totau.

2.4 Es òbres s’an de presentar en format digitau (mov, wmv, 3gp, DivX, mpeg) damb ua mesura de 360x288 pixèls. Eth nòm deth fichèr a de hèr referéncia ath títol dera òbra. Se pòt utilizar quinsevolh miei d’enregistrament (vidèo, telefon, mobil, camèra fotografica opcion vidèo, animacion digitau…).


3. TÈRME DE PRESENTACION

Der 1 de junh ath 31 d’octobre de 2007.


4. PRESENTACION E ADMETUDA A CONCORS

4.1 Es òbres s’an de presentar damb eth formulari que i a en www.llanternadigital.cat e es que supèren es 20 MB s’an de hèr arribar en supòrt CD o DVD ena Secretaria de Politica Lingüistica en Lhèida (Lluís Companys, 1, 25003 Lhèida)

4.2 Eth formulari d’inscripcion ramplit e damb era signatura originau der autor, autora, autors o autores s’a de traméter tara Secretaria de Politica Lingüistica en Lhèida. Era òbra non se considère presentada enquia que non se recebe eth formulari. Era recepcion se confirmarà per corrèu electronic.

4.3 Era organizacion harà ua seleccion des òbres admetudes a concors entà garantir un nivèu minim de qualitat. Era admission se notificarà per corrèu electronic.

4.4 Es òbres admetudes se penjaràn ena web www.llanternadigital.cat


5. PRÈMIS

5.1 S’establissen sies prèmis, un per categoria e modalitat:
-Centres d’educacion segondària: videocamèra digitau entath centre e lòt de presents entà cada membre der equip autor dera òbra.
-Comunautat universitària dera Universitat de Lhèida: 500 €
-Dubèrta: 500 €

Der impòrt deth prèmi, se’n dedusiràn es impòsti corresponents.

5.2 S’establís un prèmi extraordinari autrejat per votacion populara a trauèrs deth web ara mielhor òbra, indistintament dera categoria en qué se concorse. Aguest prèmi, concedit pes Servicis Territoriaus de Cultura e Mieis de Comunicacion en Lhèida, ei ua creacion d’un o d’ua artista locau. Es votacions se poderàn hèr des der 1 de noveme de 2007 enquiath dia abantes dera data de liurament des prèmis.

5.3 Es òbres guanhadores se daràn a conéisher en acte de liurament des prèmis. Eth dia, era ora e eth lòc d’aguest acte se comunicaràn, oportunament, as persones participantes.

5.4 Es òbres guanhadores se projectaràn abantes des sessions comerciaus des sales des grops exibidors collaboradors, e des projeccions que se hèsquen en Centre Sociau e Culturau dera Òbra Sociau “La Caixa” de Lhèida, damb era indicacion qu’an estat guerdonades enes Prèmis Llanterna Digital 2007-05-04


6. JURAT

6.1 Eth jurat serà constituït per representants des desparièrs organismes e entitats que participen ena organizacion o que i collabòren.

6.2 Eth jurat avalorarà era aportacion des òbres ath foment der us deth catalan e/o occitan, era originalitat en tractament des contenguts e era qualitat artistica.

6.3 En cas qu’eth jurat considère que cap des creacions presentades tà ua determinada categoria o modalitat reunís un minim de qualitat, poderà declarar eth prèmi desèrt.


7. PROPRIETAT DES ÒBRES

Es òbres admetudes a concors seràn proprietat dera organizacion e se publicaràn jos licéncia Creative Commons (BY-NC-ND) e, per tant, se n’autorizarà era còpia, era distribucion e era exhibicion tostemp que n’especifique era autoria, que non se hèsquen a servir damb finalitats comerciaus e que non se’n hèsque ua òbra derivada.


8. OBSERVACIONS

Era organizacion se resèrve eth dret de non adméter a concors es òbres que non s’adapten as bases.

Era organizacion pòt resòlver quinsevolh dobte qu’apareishe ena interpretacion des bases dera manèra que considère mès apropriada.

Era presentacion d’ua òbra enes Prèmis Llanterna Digital 2007 implique era acceptacion plea des bases.
  
  BASES · PRÈMIS 2007 [PDF]  
  FORMULARI DE TRAMETUDA  
     
 
Organizacion:
Coordinadora de Servicis Lingüistics de Lhèida



Damb era collaboracion de: